მიუხედავად იმისა, რომ ჯასტინ ბიბერი სულ რაღაც 17 წლისაა, მომღერალი საკმაოდ „დიდურ" სკანდალში გაეხვია. კალიფორნიელი მარია იეტერი ამტკიცებს, რომ ბიბერი მისი ვაჟის მამაა. პატარა ამ წლის 6 ივლისს დაიბადა. 20 წლის გოგონამ სასამართლოს მიმართა: იგი ჯასტინისგან დნმ-ის ანალიზის გაკეთებას და ბავშვის მატერიალურ უზრუნველყოფას მოითხოვს.

მარიამ მომღერალთან ურთიერთობის შესახებ ჟურნალ Star-თან მიცემულ ინტერვიუში ისაუბრა. გოგონას სიტყვებით, გასულ წელს ლოს-ანჯელესში გამართული კონცერტის შემდეგ, ჯასტინმა დაცვის წევრის ხელით მას კულისების მოსაწვევი გაუგზავნა. დასავლური პრესის ინფორმაციით, სწორედ ეს მოსაწვევი წარადგინა იეტერმა სასამართლოში მტკიცებულების სახით.

გოგონამ განაცხადა, რომ ჯასტინისათვის იგი პირველი ქალი იყო. ამის შესახებ კი თავად მომღერალმა უთხრა.

საინტერესოა, რომ მაშინ მარია 19 წლის იყო, ხოლო მისი კუმირი - 16 წლის. ეს იმაზე მიუთითებს, რომ ამერიკის შეერთებული შტატების კანონმდებლობით, გოგონას შეიძლება ბრალი არასრულწლოვანის „გარყვნისათვის" წაუყენონ.

ჯასტინ ბიბერის წარმოამდგენელმა TMZ-ის კორესპონდენტს განუცხადა, რომ გოგონას არაჩვეულებრივი ფანტაზიის უნარი აქვს, ამ ყველაფერს იგონებს და მომღერალს მასთან არანაირი კონტაქტი არ ჰქონია.

სასამართლო პროცესი, რომელსაც ჟურნალისტებიც დაესწრებიან 15 დეკემბერსაა დანიშნული.

საინტერესოა რას ფიქრობს ამ ამბავზე ჯასტინის მეგობარი გოგონა სელენა გომეზი? ჯერჯერობით, სელენას მომხდარზე კომენტარი არ გაუკეთებია.

შეგახსენებთ, ჯასტინი 1994 წლის პირველ მარტს, კანადის დასავლეთ ნაწილში, ოტარიოში დაიბადა. ბავშვობა სტრატფორდში გაატარა. მას მარტოხელა დედა ზრდიდა. მძიმე ფინანსურმა მდგომარეობას პატარა ჯასტინის პოპულარობისათვის ხელი არ შეუშლია. ორი წლის იყო, როდესაც მუსიკისადმი უკვე განსაკუთრებულ ინტერესს იჩენდა. უკრავს გიტარაზე, ფორტეპიანინოზე, დრამზე და საყვირზე. მუსიკის გარდა დაინტეერსებულია ჰოკეით, ფეხბურთით, კალათბურთითა და გოლფით.

ჯასტინი მოზარდთა კუმირია. მის კონცერტებზე გოგონები ცრემლებსაც არ იშურებენ.

აღსანიშნავია, რომ ბიბერი ამერიკის შეერთებული შტატების მოქალაქე არ არის, იგი თავის სამშობლოდ კანადას თვლის.

2011 წლის გაზაფხულზე, მომღერალმა გააკეთა ოფიციალური განცხადება - მას და სელენა გომეზს რომანტიული ურთიერთობა აკავშირებთ.